| | | |
11-05-2007, 05:29 AM
| ||||
| ||||
![Sh47[1]](http://www.newarb.com/vb/images/icons/sh47[1].gif){kind=icon} التحرش اللفظى بالاخرين  لأ.. المرة دي مالناش دعوة بالتحرش.. ركز بس. *** شارع في أحد ميادين القاهرة فتاة ضخمة الحجم جدا تسير بصعوبة شديدة وهي تستند إلى قدميها اللتين تكادان تنهاران تحت وطأة وزنها الثقيل، وقد تصبب العرق على وجهها وبدأ صوت "نهيجها" واضحا، تمر بالقرب من شوية شباب دمه خفيف (يلطش) جالسين على مقهى، ينظر أحدهم إليها قبل أن يضرب كفا بكف وهو يضحك بصوت عال: "هاهاها.. إيه يا عم البت اللي عاملة زي برميل الطرشي دي.. ده أنا خايف لو وقعت "تتدألج" والطرشي يقع على الأرض.. هعهعهع!" يسحب زميله نفسا من الشيشة التفاح قبل أن يردد بصوت أعلى: "على قولك.. طب مش كانت تجيب معاها ساندوتشين فول وطعمية.. وهو يعني الواحد ينفع ياكل طرشي ع الريق كده من غير ساندوتشات.. هوهو هي هي لعلع!"  تسمع الفتاة التعليقات السخيفة ولا تملك ردا، تسير وهي تشعر بضيق وحزن كبيرين قبل أن تتغلب عليها دموعها وتسقط من عيونها رغما عنها. *** أتوبيس نقل عام زحمة رهيبة داخل الأتوبيس جعلته أشبه باستاد القاهرة في مباراة نهائي كأس مصر، يختلط الحابل بالنابل ويلتصق "زيد" بـ"عبيد" و"سوسن" بـ"نهى"، ومافيش مانع برضه إن "زيد" يلتصق بـ"نهى" و"عبيد" هو الذي يلتصق بـ"سوسن"!، فجأة ووسط بروفة "جهنم" هذه يصرخ أحدهم: "يا جماعة شوية رحمة.. هاموت خلاص مش قادر أتنفس.. شوية كده يا أخينا صباعك داخل في مناخيري". يضحك بعض الركاب، قبل أن ينظر واحد منهم إلى الشخص الذي يستغيث فيجده رفيعا جدا حتى إن عظام وجهه تكاد تكون بارزة، فيما ظهرت ملابسه واسعة للغاية فضفاضة فيقهقه بأعلى الصوت وهو يقول: "إيه يا عم الدوشة دي.. ده "عصعوص" خالص لدرجة إني بيتهيألي إنه مش بيتنفس أصلا!" يتدخل شخص ثاني في الحوار وهو يردد ضاحكا بدوره: "صحيح والله.. يابا ده لولا إنك بتتكلم ماكنتش خدت بالي منك ودست عليك.. إيه يا عم إنت بطل في كمال العظام ولا إيه.. هأ أو!" لا يترك شخص ثالث الفرصة تمر قبل أن يدلي بدلوه قائلا: "أنا بيتهيألي المفروض يعملوا أتوبيسات مخصوصة للناس الرفيعة دي.. يلموهم كلهم مع بعضهم.. أهو الأتوبيس اللي بيشيل 100 واحد عادي هيشيل ألف منهم.. وكمان عشان يبقوا مع بعض ويعملوا فرقة كورة بالاحتياطي والجمهور، ما هو الواحد منهم بعشرة من الناس العادية.. وساعات عشرين كمان.. حسب الرطوبة بقى.. هعهعهع!"..  لا يتمالك الرجل الرفيع نفسه فيصرخ فيهم وهو يهبط من الأتوبيس في أقرب محطة "اخرسوا.. هي الناس بقى ماعندهاش دم ليه كده"؟! *** آه صحيح.. تفتكر ليه كتير من الناس ماعادش عندهم دم؟ سيبك من التحرشات الجنسية سواء باللفظ أو بالفعل في الشارع.. دي ظاهرة موجودة ومؤكدة دلوقتي خلينا بقى في المعاكسات "والسخافات" اللي بيظبط بيها المصريين بعضهم البعض. لو خدت بالك هتلاقي إن السخافات دي مالهاش علاقة بالجنس.. يعني ممكن تلاقي ولد يسخف على بنت عشان مش عارف شكلها ماله. وممكن تلاقي نفس الولد يسخر من ولد زيه بالظبط عشان تخين شوية أو رفيع حبتين.. وممكن يا جدع -آه وبتحصل والله بس إنت انزل الشارع أو اركب عربية السيدات في المترو- تلاقي بنات بيسخفوا وبيسخروا من بعض.. قال إيه دي تخينة قوي ودي -ياي- لبسها بلدي جدا وكلامها فلاحي وشعرها منكوش –أكيد بتستخدم بريل أو برسيل كشامبو!- و.. و.. و..  يعني الظاهرة ماسكة المصريين.. من الشرق للغرب ومن الجنوب للشمال ومن فوق لتحت ولا مؤاخذة.. وإذا كان ممكن تتفهم أسباب التحرشات اللفظية والجسدية وتقول إن سببها الكبت ولا اللبس المستفز أو تأخر سن الزواج وتراجع الوعي الديني.. فإيه السبب في إن الناس بتعاكس وتسخف على بعضها في الشارع وفي الأتوبيس وفي المترو.. وكل واحد بقى بيتفنن في السخرية من عيوب الآخرين وكأنه كائن ملائكي نوراني نازل حالا من السماء؟ والأسوأ من كده إن الحاجات دي بقت بتحصل في العلن وبصوت عالٍ ودون أي مراعاة لمشاعر الآخرين اللي بنسخر منهم..  تفتكروا إيه السبب في ده فعلا؟ وليه سلوكيات المصريين اتغيرت بالشكل ده؟ وإيه الحل؟
__________________         |
| وصلات دعم الموقع |
|
11-05-2007, 04:04 PM
| ||||
| ||||
 مش قدره اوصفلك حزني وضيقي بجد الناس مش قادره تفهم ان ممكن العيب اللي فالشخص ده يكون مرض وشئ خارج عن ارادته انا ماشيه علي حديث رسول الله قال صلي الله عليه وسلم (( من افزع مسلما افزعه الله يوم القيامه )) اللهم اجعلنا مقتدين جميعا بسنة رسول الله ولا تجعلنا ممن لايشعرون بالحالات الخاصه لبني ادم
__________________      |
|
11-07-2007, 09:42 PM
| ||||
| ||||
| لا حول ولا قوة الا بالله حرام بجد متشكرين يا ادمن |
|
11-10-2007, 08:49 PM
| |||
| |||
|
اللهم احفظنا في كل مكان تحياتي |
|
03-29-2008, 06:50 PM
| ||||
| ||||
|
كلام جارح ... وليس في مصر فقط اخي العزيز فهذا السلوك موجود في كل مكان من وطننا العربي ومع الاسف شديد الاسف الهم اصلح شبابنا وبناتنا واهدهم الى طريق الصواب ولك كل الشكر اخي على طرحك للمشكله |
|
05-03-2008, 02:17 AM
| ||||
| ||||
|
شكررررررررررررررررررررررررررررررررررا
__________________ الجمهور الذي يصفق لك لكي تقول ما يريد هو جمهور لا يحترمك في الحقيقة إنما يحترم نفسه , فإذا لم يمنحك حق الاختلاف معه فلا تعتبره ضمن جمهورك] كنت اخادع الحياة لاعيش كما تريد نفسي وخدعتني نفسي وعشت كما تريد الحياة |
|
05-25-2008, 02:47 PM
| ||||
| ||||
| رد: التحرش اللفظى بالاخرين !!!!!
صبغة الله وما احسن من الله صبغه ربنا يهدي الجميع
__________________   لا نحتاج لمسرح لنتعرف بمعني العزاب فالحياه نفسها تمنحنا فرصا لا تحصي للتعرف عليه  |
|
07-22-2008, 08:41 PM
| ||||
| ||||
| رد: التحرش اللفظى بالاخرين !!!!!
الموضوع جميل با ادمن وفعلا منتشر جدا اليومين دول انا شايفة ان الموضوع دا انتشر لإن الوعى الدينى غاب عن عقول الشباب وعلى فكره ما تلقيش حد بيستهزأ بحد الا وفى الانسان ده نقص فاشل مثلا او مش وراه حاجه يعملها فبيضيع وقته في الكلام الفاضى ده
|
 |
| Tags: اللفظى, التحرش, بالاخرين |
| أدوات الموضوع | |
| طرق مشاهدة الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور التحرش الجنسي بالفنانه مروه لمس !! في صوره جوه | نأسف للإزعاج | المجله العربية للمشاهير العرب | 21 | 11-01-2008 03:39 AM |
| الكليب الكامل لفضيحة التحرش الجنسى بمروى 2008 | admin | كليبات New Arb عربية | 4 | 07-08-2008 04:29 AM |
| ادخل وشوف مقاطع التحرش الجنسى | Sun Rise | اقلام العرب | 5 | 05-12-2008 01:54 AM |
| التحرش الجنسى | admin | اقلام العرب | 3 | 05-06-2008 12:29 AM |
الإعلانات النصية | |||
 |   |  |
العرض العادي
